تعبت من حب الشباب، العلاج النهائي و الفعال الي هيخلصك نهائياً من الحبوب

الموضوع اللي هتكلم عنه النهارده هو موضوع مهم جدا وعن تجربة وهو عن حب الشباب اللي بيظهر عندهم من سن 15 ل 20 سنه للشباب والبنات ولكن الفتره دي الفتره الحرجه اللي بيواجهة البنات و الشباب و غير أن حب الشباب بيعمل حرج و شكل مش لطيف علي البشر إلا أنه بينتج عنه الألام شديدة و علامات بيلجأ الكثير منهم للدكاترة و العمليات التجميل و العلاجات الغالية الي فالاخر مش بتأثر اوي  و ممكن تعالج و ترجع بعد فترة بسبب ده حبيت اني اشارككم تجربتي الي فعلا غيرت شكلي و الآثار السلبية الي أثرت عليا الحبوب
حابب بس قبل مبدأ قصتي أن لازم قبل محد ياخد الدواء يبقي الواحد الي ناوي يخف يتبع كذا خطوة و هي:

1) ازاي تختار دكتور شاطر و الشطارة انه يبقي غالي أو معروف لأن صدقوني رحت لدكاترة معروفين حسيت ان ضيعت وقت و فلوس علي الفاضي و من أهم الحاجات الي بتريح اي مريض انه يكون الدكتور ده بيسمعلك مش مجرد تتدخل يشوفك من بعيد خلاص يكتبلك الدواء
2) انك تبقي قد العلاج بمعني اي علاج محتاج صبر و وقت مش مجرد هاخد دواء أو هتبع نظام فاول يوم هخف لا في علاجات بتحتاج وقت بس النتيجة ايه؟ ؟؟؟؟؟ النتيجة انك بتحس بفرق و بتقول لا انا صبرت بس بنتيجة انا مكنتش اتخيلها فلازم نتبع الأدوية فمواعيدها و منستسلمش بمعني انا فترة العلاج قعدت معايا علي الاقل 8 الي 10 شهور يلهوي؟؟؟ ؟؟😱 يعني معني كلامك ان انا لازم اصبر سنة تقريبا؟؟؟؟ هرد اقولك اه بس هل معناه انك هتقعد سنة بالحب ب هقولك لا لا لا لا.... هتقولي فهمني اكتر... هقولك بص انا دلوقتي هاخد الدواء مش هيعمل مفعول علي طول بس هتحس بالنتيجة من بداية اول  تالت شهر بس معني كده الحبوب راحت من عندك من تالت شهر هتبطل هقولك لا بس أقف عندك... هتقولي ليه الحبوب راحت و وشي بقي حلو و منور؟ هقولك حابب تحافظ علي الثبات ده يبقي حتي لو راحت هتكمل عليه و طبعا و كل جسم و استجابة في ناس يعني هتحس بنتيجة من اول شهر في من تالت شهر في ممكن من أربع شهور أهم حاجة الإرادة و تحط في بالي بشترك وبعد فترة هتبقي عاملة ازاي المهم مش عاوز ارغي كتير و هدخلكم فالموضوع
بص/ى بقي.....
انا جالي حب الشباب و انا عندي 14 سنة و قعدت اجرب كل الكريمات الغالية و الرخيصة و الأدوية و فعلا وصلت لحاجات ممكن اضحكوا عليا🤣 كنت بملي كروانا و احط فيها ميا و احط فيها ملح و ليمون كنت بسمع أن مياه الملحة زيي مياه البحر حلوة فكنت بفتكس و اعمل الحركة الغريبة ديه و معرفش أن ملح البحر مختلفة تماما عن ملح الاكل المهم عملت الي ما يعمل و رحت لدكاترة الي كان معروف و الدكتور العادي لحد ما فيوم لقيت واحد بيقولي علي اسم دكتورة ربنا يجازيها كل خير و هي دكتورة :نهي ياقوت دكتورة بمعني الكلمة
هي الي اول مدخلتلها ضحكت فوشي و اول حاجة قالتلي أن في علاج لحب الشباب و خلتني اتكلم و سمعتني و ردت علي كل اسألتي و قالتلي اعملي تحليل دم عشان علي أساسها تكتبلي دواء المهم عملت التحليل و اطمنت انها بجد بتفهم و انه مش اي دواء و خلاص و التحليل ده كان علي اساس الكلي عندي هل هي سليمة و هتستحمل الدواء و لا لا...
فالاخر كتبتلي علي دواء و هو ده بقي سر السر الكبير الي فعلا هتدعيلي..... هااااا جاهزين تعرفوا اسمه ايه...
الدواء هو نت لوك (netlook) في طبعا كذا نوع بمعني في نت لوك 10 mg و في 20 mg و في 40 عشان كده بقول لأي حد و مهههههههههههم جداااااا قبل متاخد الدواء استشير الدكتور لأن كل واحد و تحمله للدواء ده المهم الدواء ده اخدته اول شهرين طلعلي كل الحبوب الي فجسمي حتي غير وشي طلعلي حبوب و عرفت من الدكتورة انه بيطرد الدواء ده كل الحبوب حتي لو في البداية اول شهر هيطلعلك حبوب كتيرة ده طبيعي المهم انه ده كويس و عيوب انه بيتشف الجلد فقالتلي لازم احط مرطبات و الشفايف بتنشف فقالتلي احط زبدة كاكاو و قالتلي مهم جدا الميااااااااه لازم تشربوا مياه كتيررر تحذير تاني انه المياه مهمة اوووي المهم بعد نص تاني شهر اقسم بالله ان وشي مبقتش عارفه نقي و مفهوش حبايا المهم كملت و قالتلي هوقف في سادس شهر بس مش هكدب عليكم كملت بعدها لحد 10 شهور لأن وقفته رجعلي حبيتين تاني و حسيت انه بيرجع كملت المهم أن عرفت من الدكتورة انه طبيعي و هتروح المهم أن دلوقتي فعلا بقالي اكتر من أربع سنين فعلا مبطلعيش و لا حباية و وشي لما بسأل الناس مبيتخلوش شكلي بحبوب و والله كلامي عن ثقة مش اي كلام ده تجربتي مع دواء نت لوك (netlook) و عاوز اقولكم الجرعة الي كنت باخدها هي 20 mg بس هرجع تاني و احذذررررررر أن لازم قبل متاخد الدواء استشير الدكتور عشان لو اخدته علي مزاجك لو جسمك مش بيستحمله هيعملك مضاعفات ممكن تضر بصحتك.
و يارب اكون فديكم و اي حد عنده استفسار ياريت يبعتلي فالتعليقات و هرد عليكم.

الخطوات المهمة في فترة العلاج:
1)استشارة الدكتور و ديه خطوة مهمة و مش اي دكتور الدكتور الي تحس فعلا هتتعلاج.
2)تنتظم علي الدواء, و اسمه نت لوك (netlook).
3)تشرب مياة كتيرة.
4)متتعرضش للشمس الا ياكريم واقي للشمس.
5)لو البشرة جافة حط مرتباط و الشفايف زبدة كاكاو.
6) متوقفش الا بطلب من الدكتور.
7)الاراده علي انك عاوز تخف و تنتظم.